Raksha bandhan: रक्षा बंधन
मीठी-334: रक्षाबंधन क त्यार
रचनाकार: पूरन चन्द्र काण्डपाल
रक्षाबंधन क त्यार
भै बैणियां क प्यार,
भै क भरौस बैणि कैं
बैणि क भरौस भै कैं।
क्वे दूर क्वे नजीक
राखी में याद वीक,
कैं भै दगाड़ बैणि भैजीं
कैं लिफाफ में राखी ऐजीं।
त्यारों क रां सबूं कैं इंतजार
घर ऐ जानी जो छीं भ्यार
त्यार-ब्यारों कि चली छ रीत
जतू त्यार उतू गीत संगीत।
सबै त्यार मिलन सार
त्यारों ल बढ़ते जां भैचार,
मनखी रैजां धारै धार
मेल करै दिनी हमार त्यार।
रक्षाबंधन और स्वतंत्रता दिवस कि शुभकामना।
पूरन चन्द्र काण्डपाल, 15.08.2019
फोटो सोर्स: गूगल
0 टिप्पणियाँ