राम कर्यालक साग (मीठ कर्याल)
कुमाऊँनी खान-पान की रैसिपी
मीठ कर्यालक साग (रामकरेला, परमला) - चार मैशने लीजि
समान(सामग्री):-
आधु किलो राम कर्याल
द्वि ठुल दाण प्याजक
एक पुर गांठ लासन
द्वि ठुल डाढ़ सरसों तेल
आल (ऐच्छिक)
हल्द, जिर, धणि, अमचूर, लूंण हिसाबेल
तरिक(बनाने की विधि):-
कर्यालन कें ध्वे भेर काट ल्यो।
भतेरक पाकी बीजन कें व भ्यार बिटि कानन कें हल्क हाथेल निकाव ल्यो।
कौंव हुनी तो क्वे बात नी।
लुआ भदै में तेल गरम करी जिर खितो व प्याज काट भेर लाल कौल ल्यो।
वी बाद मश्याल खित भेर कौल ल्यो।
लूंण अमचूर डाल भेर ढाक लगा दियो।
मिश्यूँणे आग में 10 मिनट पकावो।
नोट-
राम कर्यालक सवाद भौते भल हुन्छ। पचन में ले हल्क हूँ। सबे खा सकनी। यो सागअगस्त सितंबर में हुन्छ। इनुकें सुखा भेर ले राखनी। (चौमास में क्वे- क्वे जंगली साग बिशी ले हुनि सावधानी ज़रूरी छू)
सुमीता प्रवीण, मुंबई, July 19, 2021
सुमीता प्रवीण जी द्वारा फेसबुक ग्रुप उत्तराखंड रसोई विज्ञान पोस्ट से साभार
 - कुमाऊँनी रैसिपी){kind=link}
0 टिप्पणियाँ