भट्क चुटकाणी
कुमाऊँनी खान-पान की रैसिपी
प्रस्तुति: सुमीता प्रवीण
कुमाऊँनी भट्क चुटकाणी - चार मैशने लीजि
समान(सामग्री):-
एक मुट्ठी काव भट
एक प्याज
1ढाड़ सरसों तेल
आधु चमच जीर
थोड़ ग्युं पिस्युं आलण लीजी( पतव, मोट अपूण हिसाबेल)
थोड़ स्वादानुसार लूण
तरिक(बनाने की विधि):-
काव भटन कें ध्वे भेर राख दी।
वी बाद लुआ कढ़ै में एक ठुल्ल ढाड़ सरसों तेल गरम करो।
जब तक उमें बिटी धुन्ग नि ए जवो।
वी बाद प्याज भुनो हल्क पिंगाव।
वी बाद भटक दाणन कें भुटण में खित भेर हलाते रवो।
जब तक वी में बिटी पटपटाट नि है जवो।
जब भट भुनी जनि तब वी में 2 नान चमच ग्युं पिस्युं खित दियो।
अब ग्युं पिस्युं कें ले हल्क आंच में भुन लियो।
यां ध्यान रखणी बात यो छू कि ग्युं पिस्युं काव भड़ीन नी चैन।
हल्क पिंगाव कलर हुण चैंछ।
वी बाद आधु चमच हल्द, एक चमच लाल मिर्च,एक चमच धाण पोडर, लूण हौर थोड़ जीर पिस भेर खितो।
वी बाद तुरन्त पाणि खित दिन चें।
जब एक उबाव ऐ जलो तो गैस कें नान कर दिया।
20 मिनिट बाद खाणे लिजी तैयार छू भटक चुटकाणि।
नोट-
मश्याल जतुक कम हुनी उतुक भल हुनी प्योर पहाड़ी व्यंजन।
सुमीता प्रवीण, मुंबई, May 6, 2021
सुमीता प्रवीण जी द्वारा फेसबुक ग्रुप उत्तराखंड रसोई विज्ञान पोस्ट से साभार
0 टिप्पणियाँ