हिमाव और समन्दर
रचनाकार: जगदीश चन्द्र जोशी
हिमावौ ह्यूं बिलै
जाणि कतुक गाड़नौ
पाणि बणि जाँ?
एक गाड़ पूरब झोवैं
एक पच्छिम बगैं
एक दच्छिण हरि-भरि करैं
रई-बचि पाणि
समन्दर में मिलि जाँ।
समन्दर बटी
बफार भरीण
बादो' उठनी
दुणि नमाम में
जाणि काँ-काँ
ब र स नी?
म्यर मुलुक हिमाव छ
जाणि कतुक गाड़-गध्यार
याँ बै निकवनी
म्यर देश समन्दर छ
जाणि कतुक गाड़- गध्यार
यमें मिलि जानी?
यो समन्दर बै
जाणि कतुक
पाणि-भरीण-बादो'
जाणि काँ-काँ, उड़ि-उड़ि जानी
जाणि काँ-काँ, झुकि-झुकि जानी?
--------------------------------
Nov 01, 2016
0 टिप्पणियाँ