तित गेठी क साग
कुमाऊँनी खान-पान की रैसिपी
तित गेठी क साग (कुमाऊँनी) - चार मैशने लिजी
समान (सामग्री):-
तित गेठी 500 ग्राम
लासन एक पुर गांठ
द्वि दाण प्याजक
द्वि दाण टमाटरक
द्वि ठुल चमच सरसों तेल
चूखक रस एक चमच (गुड़ ऐच्छिक)
सवादक हिसाबेल लूंण, हल्द,मिर्च,धणी,जिर
तरिक (बनाने की विधि):-
गेठी कें उमाव लियो नतर छार में भुन लियो।
छिल भेर गोल- गोल पतवा पतव काट लियो।
अब लुआ कढै में तेल खित भेर प्याज कें भली के भुन लियो।
सप्प मश्याल पिस भेर भुनो हौर टमाटर काट भेर खित दियो।
अब तीत गेठी ले मश्याल दगड़ी भुन लियो। वी बाद लूंण व पाणि डाल भेर ढाक लगा दियो।
चूख (गुड़ ऐच्छिक) रसदार या सुख साग जस भल लागूँ उस बणाया।
हरीं धणि खित भेर परसिया।
नोट-
सवाद थोड़ तित(कड़ू) हुन्छ, शुगर वालों ने लिजी रामबाण छू।
जाड़ने दिनों में यो हुन्छ।
खांसी लिजी ले लोग सगड़क छार भीतेर तित गेठी के पकुंनी व छिल भेर देर तलक रस कें चबुनि।
सुमीता प्रवीण, मुंबई, July 10, 2021
सुमीता प्रवीण जी द्वारा फेसबुक ग्रुप उत्तराखंड रसोई विज्ञान पोस्ट से साभार
0 टिप्पणियाँ