कुमाउँनी किचेन टिप्स भाग-01
कुमाऊँनी खान-पान
प्रस्तुति: सुमीता प्रवीण
ख्णेक नाम सुनण जाणे सब्नेके मुख बिटिक पाण ऐ जां।
जादा कभेर ख्णे बण्यूँनेक शौक स्याणियांन में हुन्छ हौर उनुकें ख्णे बण्यूँन में मज ले ऊनि।
जो सवाद ईजाक हाथेल बणी ख्णे में हुन्छ, उस सवाद कईं ले नि हुन।
आजकलेक तवै भरी जिंदगी में हमलोग ख्णे बण्यूँनेक बेसिक टिप्स कें भुल जानु।
यां हम कुछ टिप्स दिन्यु जो आपुक ख्णे बण्यूँनेक टैम में तेजी लाल हौर तो हौर ख्णे ले सवाद बणोल-
जादा कभेर ख्णे बण्यूँनेक शौक स्याणियांन में हुन्छ हौर उनुकें ख्णे बण्यूँन में मज ले ऊनि।
जो सवाद ईजाक हाथेल बणी ख्णे में हुन्छ, उस सवाद कईं ले नि हुन।
आजकलेक तवै भरी जिंदगी में हमलोग ख्णे बण्यूँनेक बेसिक टिप्स कें भुल जानु।
यां हम कुछ टिप्स दिन्यु जो आपुक ख्णे बण्यूँनेक टैम में तेजी लाल हौर तो हौर ख्णे ले सवाद बणोल-
- अगर प्याज जल्दी भुनन भाय तो लूँण खितभेर भुन्या, इसिक प्याज जल्दी कौली जाल।
- बेसणक चिला बण्यूँन बखत वीमे द्वि चमच सूजीक हाल्या।इसिक चिला कुरकुरा बणाल।
- लड़ग कुड़कुड़ान बण्यूँनेक लिजि पिस्यु कें गरम पाण या दूध दगड़ ओल्या।
- आचार कें हमेशा कांचक शिशिम धर्या, कब्भे खराब नि हौ।
- आपुक चुलाण में तेज धार वाल चक्कू राख्या, जैल आपु सरासर हौर आसानिल साग काट सकछा। इसिक आपुक भौत समय ले बचोल।
- हमेशा ख्णे बण्यूँन है पैलि ज़रूरी सौमान तैयार कर राख्या, येल आपुकें ख्णे बण्यूँन में कोई परेशानी ने हो।
- अगर लासण जल्दी छिलण भाय तो पांच मिनट पैलि उनुकें पाण में भिजा लिया।
- दूध कें उमावण बखत वीमे द्वि चमच पाण हाल दिया, जैल ढेकक ताव में दूध नि लागोल।
- लुआक भदै में ख्णे बण्यूँलेल आयरनेक कमी दूर है जां।
- अगर आपु शिकार बण्यूँन हुनाल, तो ख्णे बण्यूँनेक कुछ घण्ट पैलि विकें मैरीनेट कर दिया (मश्यालनक मिश्रण) तो शिकार भौते सवाद बणोल।
- लूँण तेज है जाई में, साग में ग्यूँक पिश्युंक गोय (गोली) बने भेर डाल्या। य गोय साग बिटिक जादा हई लूँण कें चूस ल्याल हौर साग कें सामान्य कर दिनि।
- ख्णे बण्यूँनेक तुरन्त बाद चुलाण व सिंक कें साफ कर दिया ताकि आपुक चुलाण में क्वे ले गंदगी नि रवो।
सुमीता प्रवीण, मुंबई, November 29, 2021
सुमीता प्रवीण जी द्वारा फेसबुक ग्रुप उत्तराखंड रसोई विज्ञान पोस्ट से साभार
0 टिप्पणियाँ