आमेक चटेण/खटै
कुमाऊँनी खान-पान की रैसिपी
प्रस्तुति: सुमीता प्रवीण
आमेक चटेण/खटै (कुमाऊँनी)
समान(सामग्री):-
एक दाण काच आम
एक चमच जीर
लासन पांच ख़्वाट
थोड़ हरीं धणी
थोड़ पुदीन
स्वादानुसार लूण
तरिक(बनाने की विधि):-
आम कें छिल भे, ध्वे भेर काट लियो।
सिल बट्ट में जीर, लासन पैली पिस ल्यो।
आम हरीं धणी, पुदीन लूंण दगड़ी पिस लियो।
वी बाद मडुआ रवाट दगड़ी खावो।
मिक्सी में उस सवाद नी ऊन जतुक भल तो सिल में पिस भेर हुन्छ।
नोट-
मश्याल जतुक कम हुनी उतुक भल हुनी प्योर पहाड़ी व्यंजन।
फोटोग्राफर छन श्रीमती निर्मला बर्थवाल ज्यु।
सुमीता प्रवीण, मुंबई, July 4, 2021
सुमीता प्रवीण जी द्वारा फेसबुक ग्रुप उत्तराखंड रसोई विज्ञान पोस्ट से साभार
){kind=link}
0 टिप्पणियाँ