ठीक कुंणयुं नै

-:ठीक कुंणयुं नै:-

लेखिका: अरुण प्रभा पंत

दांतैल छिल मुखैल चुस कुछ बुकाय

ऐसिकै हमुल रिखु खाय लै खवाय लै

बदामि खुबानिक बीज हौ या आंखोड़

सब जाग हमार दांतौक भौय कमाल

पड़ाक्क आंखोड़ फ्वाड़ रिखु चुस

बीज बदामि खुबानि नि टिक सक

सबै फोड़ खाय हमुल पड़म्म पड़म्म

इजौर खन, तरुड़ैक खाड़ लै खनि

ठांग और घुस्यालैल लगिल बै लौकि

काकौड़, क्यावैक घड़ि लै दंणकाय

केमें निडरां किरावाक फूल लै चाय

तिमुल ,आम, स्यो ,तोड़ खाय ढ़ुगैल

उजाड़ गेयी बल्द गोर भैंस सादि भाय

के काममें नि डरां तब परआब डरनू

आपण गौं घर, जाण में, तकलीफ छु

कैसी रूंल ,के  करुंल, केखूंल, कां जूंल

दै भाऊ तब रै सकन छिया आब कैनै

मौलिक

अरुण प्रभा पंत 

अरुण प्रभा पंत जी द्वारा फ़ेसबुक ग्रुप कुमाऊँनी शब्द सम्पदा पर पोस्ट

अरुण प्रभा पंत के बारे में जानने के लिए उनके फ़ेसबुक प्रोफ़ाईल पर जा सकते हैं

अगर आप कुमाउँनी भाषा के प्रेमी हैं तो अरुण प्रभा पंत के यु-ट्यूब चैनल को सब्सक्राईब करें