कि ल्येखूं
रचनाकार: नवीन जोशी नवेंदु
कि दि सकूं मिं
कै कैं लै?
वी,
जि
मकैं मिलि रौ
दुनीं बै।
कि सुणै सकूं मिं
कै कैं लै?
वी,
जि
पढ़ि-सुंणि-गुंणि
रा्खौ यैं बै।
कि ल्ये्खि सकूं मिं
त्वे हुं?
वी,
जि
त्वील, कि कैलै
कत्ती-कबखतै
कौ हुनलै
कि ल्यख हुनल
जरूड़ै।
अतर-
काँ् बै ल्यूंल मिं
के, तुकैं दिंण हुं
के् सुणूंल तुकैं नईं?
के् ल्यखुंल त्वे हुं
अलगै
य दुनी है!
मिं, के
परमेश्वर जै कि भयूं।
 | Read about Navin Joshi |
राष्ट्रीय सहारा कार्यालय, पॉपुलर कंपाउंड, मल्लीताल, नैनीताल।
पिनः 263002। उत्तराखंड।
0 टिप्पणियाँ