मनमाँ उदेख ओ मेरि बैंणा।

मनमाँ उदेख ओ मेरि बैंणा

रचनाकार: हीरा बल्लभ पाठक

🌹🌿🌹🌿🌹

बरखा झुली रै सोंण का म्हैंणा

मनमाँ उदेख ओ मेरि बैंणा। मनमाँ

स्वामि छन् परदेश इकुली परांणी

कसिक् कट्यिछ यौ ऋतु रैंणा। मनमाँ

रिमझिम रिमझिम बरखा लै रैछ

पारक् भिड़ा छै रै इन्द्रैणा। मनमाँ

ओ मेरि दीदी ओ मेरि भूली

स्वामि ज्यु म्यरा नि ऊन स्वैंणा। मनमाँ

ह्यून में ओंल् कै चिट्ठि ऐ रैंछ

तब्बै जै हौली भगवती दैंणा । मनमाँ

🙏🏼🌿🌺⚘🌺🌿🙏🏼

हीरावल्लभ पाठक (निर्मल), 14-07-2020
स्वर साधना संगीत विद्यालय लखनपुर,रामनगर
 
हीरा बल्लभ पाठक जी द्वारा फेसबुक ग्रुप कुमाऊँनी पर पोस्ट

हीरा बल्लभ पाठक जी के फेसबुक प्रोफाइल पर जाये