गडेरिक नालबड़ी
कुमाऊँनी खान-पान की रैसिपी
प्रस्तुति: सुमीता प्रवीण
गडेरिक नालबड़ी (कुमाउनी)
समान (सामग्री):-
हिसाबेल गडेरिक म्वाट नाल (डंडी),
मासेक दाव
तरिक (बनाने की विधि):-
मासेक दाव रात भर भिजे ध्वे भेर मिश्यूँण के पिस ल्यो।
गडेरिक म्वाट डंडी ध्वे ल्यो।
गडेरिक नालनकें धागेल बांध भेर लटका दियो।
वी बाद वीमे पिसी हुई मासेक दाव कें चारो तरफ बेटि चिपका दियो।
15 दिन तलक घाम में लटका भेर खूब सुखा ल्यो।
अब इनुकें काट भेर सुखो या गिल साग बना सकच्छा।
साग बणुनौक तरिक
***************
पांच मैशने लिजि
समान (सामग्री):-
पौ भर गडेरिक नाल बड़ी
चार दाण प्याज
एक ठुल लासणक गांठ
एक ठुल डाढ़ सरसों तेल
एक चमच जिर
द्वि चमच ग्यूंक पिश्यूँ
एक लिम्बू
एक चुटकी हींग
सवादक हिसाबल हल्द, लूंण, खुश्याण।
तरिक (बनाने की विधि):-
लुआ भदै में तेल गरम करया। हींग, जिर डाल भे उमे नालबड़ी कें खितो।
फिर कौल भेर निकाव ल्यो। भड़ाया झन।
बची हुई तेल में प्याज कें ले लाल हुण जाणे कौलो।
सप्पे मश्यालन कें सिल में पिस भेर प्याज दगड़ी भली के भुन ल्यो।
अब इमें नालबड़ी डाल भेर हल्क हाथल उल्ट पल्ट ल्यो।
जतु ज़रूरी छू उतु पाणि खित ल्यो।
ग्यूंक पिश्यूँ या चावोंक बिस्वार खित भेर 10 मिनट जाणे पकावो।
लिम्बू डाल भेर गरम गरम पिरसिया।
नोट-
भौते सवाद हुनि।
जादातर ह्यून में खाई जनि।
जब साग पातेक कमी हुन्छ।
रवाट दगड़ ले भल हुनि भात दगड़ ले भल लाग्नि।
मश्याल जतुक कम हुनी उतुक भल हुनी प्योर पहाड़ी व्यंजन।
सुमीता प्रवीण, मुंबई, August 03, 2021
सुमीता प्रवीण जी द्वारा फेसबुक ग्रुप उत्तराखंड रसोई विज्ञान पोस्ट से साभार
0 टिप्पणियाँ