पहाड़ क स्वैण - कुमाऊँनी कविता

पहाड़'क स्वैण

रचनाकार: रेखा उप्रेती

किलै नि देखुँ

रात ब्याँण'क

भल-भल स्वैण

धोs-धो

काटि रै

अन्ह्यार पट्ट रात

कभत्तै त

फाटै'लि कै

चै s रौ छी

आब

डाना'क पार

ललांग -ललांग जै

छाई

चितूणयुँ

आब्बै

सूणु'ल

बाट-घाटाँ में

मन्खि बलाँण

चड्नाँक गीत

गोरू-बाछाँ'क अड़ाँण

झिट्ट

आँख लगै लिनुँ

उज्याव'कि आस में

देखि लिनुँ

रात ब्याँणाक

भलाs भल स्वैण

(रेखा उप्रेती), 25-07-2020

रेखा उप्रेती जी द्वारा फ़ेसबुक ग्रुप कुमाऊँनी शब्द सम्पदा पर पोस्ट

फोटो सोर्स: गूगल