जिम कार्बेट पार्काक् शेर......
रचनाकार: ज्ञान पंत
के करै नि करै, पर
एक काम करी कर
कभै कभै तु मैं कैं ले
"मिस" काल करी कर।
मिस काल करी कर
कभै-कभै तु मैं कैं
आई लव यू ले
कयी कर।
आई लव यू कयी कर
कभै - कभै तु मैं कैं
" मिस यू " ले
कयी कर।
...... उत्तर सुँणौं आ्ब
ढुँङ में रै जौ
मिस काल तुमरी
अकल में पड़ौ
बज्जर ....
छीड़ पुजि जाया
लव यू कुनेरा
आ्ग लागि जौ
तुमा्र ख्वार।
हा्थ खुटन दम न्हाँ
पेटन न्हाँ आँत
"मिस यू" कूनेर बुड़ा कैं
लागि जौ इका्र सांस।
-----------------------------------------------
इशा्र
समझ .....
आँखन
बलाँण दे।
मिसिर
जिबैड़ि मे ले
हुनेर भयी।
बेमान
जिन्दगी में ले
मनखी
दिनन् गणों।
हा्व चलैं त
सुकी पात झड़नीं
" हरीं " पातन्
के~ नि हुन।
June 27,28, 2017
...... ज्ञान पंत
ज्ञान पंत जी द्वारा फ़ेसबुक ग्रुप कुमाऊँनी से साभार
ज्ञान पंत जी के फ़ेसबुक प्रोफ़ाईल पर जा सकते हैं
0 टिप्पणियाँ