द्योक झड़ि

-:द्योक झड़ि:-

लेखिका: अरुण प्रभा पंत

आज चार दिन मांथ द्योक झड़ि

कभै जोरौक तहौड़ कभै रिमझिम

कभै कौणि पाकणि जौ द्यो भौहो

आज सुरुज देबाक अतुल्य दर्शन

उ चावौ धैं कस टकटक है गेयी बोट

नाई ध्वेयी उजर उजर साफ-साफ

नान-नान फूल घा किस्म किसमाक

किड़ पिटंग लै कास उड़न लाग रैयीं

कौव सिटौव ,नाना चाड़ तनार काल

यो दुनि योयी छु उड़न किड़ परचाड़

एक दुसराक पछिन चाड़ होया मैंस

जेलै छु जतु लै छु सबनैक आलि बारि

फिर लै हम समझनु हमें छां जे छां

घाम लै न्है गो ऐगो बादलौक जुलुंग

फिर द्योक तहौड़ फिर आल घाम

एसीकै हम सिखुंल जीवनौक पाठ

पाठको उपर्युक्त पंक्तियों में मैंने कुछनये शब्द समाविष्ट किये हैं:-

१. द्योक तहौड़- जोर की बारिश

२. कौणि पाकणीं जौ द्यो- धीमी धीमी बारिश

३. बादलनौक जुलुंग- काले बादलों का झुंड,घनघोर घटा।

मौलिक

अरुण प्रभा पंत 

अरुण प्रभा पंत जी द्वारा फ़ेसबुक ग्रुप कुमाऊँनी शब्द सम्पदा पर पोस्ट

अरुण प्रभा पंत के बारे में जानने के लिए उनके फ़ेसबुक प्रोफ़ाईल पर जा सकते हैं

अगर आप कुमाउँनी भाषा के प्रेमी हैं तो अरुण प्रभा पंत के यु-ट्यूब चैनल को सब्सक्राईब करें