बखत् बखतैकि बात छू
रचनाकार: हीरा बल्लभ पाठक
बखत् बखतैकि बात छू,
कैकि रीष न घात छू।
अपणैं करम् भोगनौ मनखी,
यौई असल बात छू।
खेति-पाति बांजि है रै,
पैन्टक् जेबम् हात छू।
शराब जू छोटि बात,
सुगंणी शिशि हात छू।
कुड़ि बाखइ छोड़ि- छाड़ि,
भाबरै हैं भाजम्भाज छू।
दिल्लि बम्बइ लखनौ पन्,
कुकुरौक् प्वथ साथ छू।
भै-बैंणियो आब् क्ये ह्वल्,
आम् बुबुक् सराद् छू।
🙏🏼🌿🌺⚘🌺🌿🙏🏼
हीरावल्लभ पाठक (निर्मल), 26-07-2020
स्वर साधना संगीत विद्यालय लखनपुर,रामनगर
हीरा बल्लभ पाठक जी द्वारा फेसबुक ग्रुप कुमाऊँनी पर पोस्ट
0 टिप्पणियाँ