अपण काम करो ना
रचनाकार: उदय पंत
कै काम काज नहां
गप में लागिं छन सब
तराशी जस गईं बल
कहां जुं कथ जुं हैरै
शरीर में शराब ज्यादा
और खून कम है रौ
खाणि पिणी जंक छु
धूम्रपान में गजबै हैरौ
मोबाईल कानैं छन
आंख और अंगुल
फेसबुक व्हट्सऐप में
यैक पोस्ट उवि भेजि
औरनकि येकैं भेजौ
कैई कैक दगाड़ नैं
सब अपणें में मगन
जै देखौ जहां देखौ
चर्चा में छु कोरोना
सावधानी भलि धरौ
अपण काम करो ना
~ Udaya Pant
0 टिप्पणियाँ