बड़ो आनन्द ऊंछी
(स्व. बंशीधर पाठक "जिज्ञासु")
कालि रात स्येति हुनी त बड़ो आनन्द ऊंछी।
कौपि किताबनै खेति हुनी त बड़ो आनन्द ऊंछी।।
क्यार उगणी फौण्टीन हुनी त बड़ो आनन्द ऊंछी।
क. पाणिल जगणी लाल्टीन हनी त बडो आनन्द ऊंछी।।
स्याई का हुना गाड़-गध्यारा त बड़ो आनन्द ऊंछी।
बुद्धि में पड़िये रून छारा त बड़ो आनन्द ऊंछी।।
भिदुडुवा फैशन हुना त बड़ो आनन्द ऊंछी।
बागन में पिलसन हुना त बड़ो आनन्द ऊंछी।।
पात-पतेल लगड़ हुना त बड़ो आनन्द ऊंछी।
रबड़ का लै बगड़ हना त बड़ो आनन्द ऊंछी।।
गरीब सब सेठ हुना त बड़ो आनन्द ऊंछी।
सबै रङ कमेट हना त बड़ो आनन्द ऊंछी।।
घरै आपण इस्कूल हुनो त बड़ो आनन्द ऊंछी।
मेजा जाग इस्टूल हूनो त बड़ो आनन्द ऊंछी।।
रीस मास्टरनै फीस हुनी त बड़ो आनन्द ऊंछी।
सरसुती चार-सौ-बीस हुनी त बड़ो आनन्द ऊंछी।।
के पास हुणी सब फेल हुना त बडो आनन्द ऊंछी।
दफ्तर सब झेल हना त बड़ो आनन्द ऊंछी।।
कानून सब गड़बड़ हुना त बड़ो आनन्द ऊंछी।
सबै कवि 'अनपढ़' हुना त बड़ो आनन्द ऊंछी।।
-वंशीधर पाठक 'जिज्ञासु, लखनऊ
उत्तराखण्डी मासिक: कुमगढ़ 9 वर्ष 07 अंक 3-4 जुलाई-अगस्त 2020
0 टिप्पणियाँ