जिम कार्बेट पार्काक् शेर......
रचनाकार: ज्ञान पंत
कैका लिजी
बर्ख त
कैका लिजी
आफत भै पहाड़ में
आ्ब ....
के करी जाऔ
दुन्नी भै
कभै थामींन न्हाँ
पाँणी चार
बगते रुँछि .....
मलि बटी
तलिकै ऊँण में
पत्त न कतु
गौं
रौड़, गाड़, गध्या्र
छीड़ और ताल
बणूँन-बणूँनै
सिमार में पुजें त
हरिया-हरीं
स्या्र में नाज 'क
और जिन्दगी 'क ले
"कुथव" भरी जानीं.....
दिगौ! यतु हैयी बाद ले
मनखिंनां ख्वा्र
पत्त न के बज्जर पड़ि रौ
कि, पंचेश्वर में आजि
"बाँध " बणन लागि रौ।
-----------------------------------------------
इक "तार" जुड़ी रयी छ
कभै-कभै करेंट ऐ पड़ों
आ्ँङ में .........
त्यार गोरु म्या्र बकारा
घा काटूँलो दगाड़ - दगाड़ा
मा्ँङ में ........
ऐ बाटा तु ऐये उ बाटी मैं ऊँन
मनखिनौ को काम छ भागी
खाल्ली चै रुँन ........
मेरि माया छ मौ जसी
दुन्नी बजी रै अँणकसी
आफि रुँछि , ढुँङ में।
शब्दार्थ:
थामींन - रुकना,
चार - तरह,
सिमार - मैदान,
स्या्र (सेरा) - समतल जमीन,
नाज - अनाज,
कुथव - बोरे,
आ्ँङ - शरीर,
मा्ँङ - घास वाली जगह,
चै रुँन - देखते रहना,
मौ - शहद,
अणकसी - अजीब,
ढुँङ में - भाड़ में
शब्दन'कि गलती ठीक करि दिया हो
July 11,12, 2017
...... ज्ञान पंत
ज्ञान पंत जी द्वारा फ़ेसबुक ग्रुप कुमाऊँनी से साभार
ज्ञान पंत जी के फ़ेसबुक प्रोफ़ाईल पर जा सकते हैं
0 टिप्पणियाँ